8.-12. mars 2010
Íslenska: Skáld mánaðarins: Einar Benediktsson / Sagan: Svikagreifinn með góðum verkefnum
Í síðustu viku kynntum við nýtt Skáld nánaðarins sem að þessu sinni er þjóðskáldið Einar Benediktsson. Við höldum áfram að týna inn sögur eftir Einar og að þessu sinni er það sagan Svikagreifinn. Sagan Svikagreifinn birtist í fyrstu bók Einars, Sögur og kvæði, sem kom út 1897. Þrátt fyrir að sagan verði seint talin með bestu verkum Einars er hún forvitnileg fyrir margra hluta sakir. Hún er skrifuð í raunsæisstíl, sem þó sker sig nokkuð frá öðrum íslenskum raunsæissögum þess tíma, s.s. sögum Gests Pálssonar og Einars Kvaran. Sem ljóðskáld hefur Einar löngum verið talinn með nýrómantískum höfundum; ljóð hans rík af skoðunum og með sterka tjáningu, andstætt því sem við upplifum af þessari sögu, þar sem umburðarlyndi og mannlegir breyskleikar eru ekki færðir til dóms þannig að afgerandi sé. Eins og fyrri daginn bjóðum við söguna annars vegar í fallegri vefútgáfu þar sem hægt er að hlusta á hana upplesna og hins vegar í aðgengilegri námsútgáfu til útprentunar með góðum verkefnum.
|
8.-12. mars 2010
Enska - Whuppity Stoorie - upplesin saga fyrir miðstigið
Sagan Whuppity Stoorie er sérlega gott efni í ensku fyrir miðstigið. Útprentanlegt hefti með frábærum verkefnum telur 20 bls. Með vefútgáfunni fylgja gagnvirkar æfingar og nú hefur upplestri verið bætt við.
|
8.-12. mars 2010
Stærðfræði - Skemmtilegt tölustafapúsl
Að lokum minnum við á skemmtilegt tölustafapúsl fyrir þá sem eru að byrja að læra tölurnar, en hér á að púsla hvern tölustaf fyrir sig.
|
|
8.-12. mars 2010
Enska: The Thirty-nine Steps í áhugaverðum kennslubúningi -
9. kafli
Við höldum nú áfram með The Thirty-nine Steps, nýtt námsefni í ensku sem er einkum hugsað fyrir nemendur í efstu bekkjum grunnskóla og fyrstu bekkjum framhaldsskóla, en hentar líka vel þeim sem vilja bæta sig almennt í ensku. Hægt er að nýta efnið á fjölbreyttan hátt. Notendur geta valið um að lesa söguna af vefnum, prenta hana út og lesa hana þannig eða hlusta á hana upplesna. Þá er tilvalið að sameina tvær leiðir, og lesa textann og hlusta á upplesturinn samtímis. Sagan er í tíu köflum og hverjum kafla fylgja efnisspurningar sem hægt er að láta nemendur vinna skriflega eða fara yfir munnlega. Á vefsíðunni er einnig hægt að sækja sérstakt vinnuhefti og kennslutillögur. Í því hefti er að finna alls kyns verkefni og hugmyndir að verkefnum með sögunni sem kennari getur annað hvort ljósritað í heild sinni eða prentað út í stökum síðum.
|
|
